茄子蛋 EggPlantEgg – 閣愛妳一擺 ( Love You One More Time ) Koh Ai Li Chit Pai Lyrics Pinyin 台語
詞/曲：黃奇斌 Ki-pin Ng
編曲：茄子蛋 EggPlantEgg
台語漢字/白話字翻譯：阿仁
過了盈暗
Kòe liáu eng-àm
欲和別人結婚
Beh hām pa̍t-lâng kiat-hun
聽講妳已經有
Thiaⁿ-kóng lí í-keng ū
別人的子孫
Pa̍t-lâng ê kiáⁿ-sun
結果嘛是行到最後一步
Kiat-kó mā sī kiâⁿ kàu chòe-āu chi̍t pō͘
著是妳有翁
Tiō sī lí ū ang
我猶袂有某
Góa iah-bōe ū bó͘
想起彼時
Siūⁿ khí hit sî
妳是歹甲有賰
Lí sī pháiⁿ kah ū chhun
拄著我是
Tú tio̍h góa sī
妳好命的天份
Lí hó-miā ê thian-hūn
結果嘛是行到最後一步
Kiat-kó mā sī kiâⁿ kàu chòe-āu chi̍t pō͘
著是越頭走
Tiō sī oa̍t-thâu cháu
莫閣再耽誤
Mài koh-chài tam-gō͘
毋知妳是佇佗位
M̄-chai lí sī tī tó-ūi
我想欲
Góa siūⁿ-beh
聽妳溫柔的聲音
Thiaⁿ lí un-jiû ê siaⁿ-im
以後我會當做毋捌妳
Í-āu góa ē tòng-chòe m̄-bat lí
無咱的過去
Bô lán ê kòe-khì
若是彼工
Nā sī hit kang
是我來牽起妳的手
Sī góa lâi khan khí lí ê chhiú
著毋是這馬
Tiō m̄-sī chit-má
是伊來完成妳的要求
Sī I lâi oân-sêng lí ê iau-kiû
若是彼工
Nā sī hit kang
是我對愛情無相讓
Sī góa tùi ài-chêng bô sio-niū
妳敢會轉來
Lí kám ē tńg-lâi
做伙的所在
Chò-hóe ê só͘-chāi
我愛妳無問題
Góa ài lí bô būn-tê
問題是妳毋是我的
Būn-tê sī lí m̄ sī góa ê
我有影毋知好歹
Góa ū-iáⁿ m̄ chai hó-pháiⁿ
閣想欲愛妳一擺
Koh siūⁿ-beh ài lí chi̍t pái
閣愛妳一擺
Koh ài lí chi̍t pái
